Gazte Kabalkada

Ekainaren 5ean, Angeluko 5 eskola elebidunek, ikastolak (330 ikasle) eta Maurice Ravel Euskal Herriko Kontserbatorioak (60 musika ikasle) Gazte Kabalkadan parte hartuko dute, Lerratokian. Angeluarrak taldearen urtebetetzearen karietara antolatua da.

“Euskarari errotik!”

Ekainaren 7 eta 19an (16:00), Elealdi elkarteak euskara deskubritzeko tailer interaktiboak antolatuko ditu. Lehen egunean hitzordua Dinguetten aitzinean emana da, eta bigarrenean La Généralen.

Huna antolatzaileek zer dioten: “Gure ingurunean euskarazko idazki anitz dira. Parte hartzaileek proposatzen dituzten hitzetatik hasiko gara: euskarazkoak iduri zaizkienak, merkataritzako marka izenak barne. Ondotik elkarrekin azalduko eta ikertuko ditugu. Lan saio horrek euskal hitzen erro eta atzizki batzuen aipatzera eramanen gaitu. Bukaeran, aztertu dugunetik abiatuz, parte hartzaileek hitz-elkarketa berriak proposatzen ahalko dituzte. Helburua da euskaraz ohartaraztea eta barneratzeko gutizia sortzea. Deus edo guti dakitenentzat, eta ez garelako denak euskaraz eskolatuak izan, euskaldunak gomit dira ere!”. Urririk. Xehetasunentzat: maryselissalde@gmail.com edo 06-44-76-03-47.