Urruñarrak Pilota elkartearen erakusketa

Elkartearen ehun urteurrena dela eta, argazki erakusketa izanen da Posta gelan, ekainaren 1etik 14ra (9:00-12:30/14:00-17:30). Urririk.

Udako oporrak haur eta gazteentzat

Urruñako herriak, 3 egonaldi berezi proposatzen ditu, 8 eta 15 urte arteko gazteentzat egokituak. Kirola, natura, kultura, abentura... gustu guziendako! 8-10 urtekoentzat:

1.- Bela egonaldia Soustonsen. Landesetara abiatu, natura betean, uretako jarduerez eta kanpalekuko bizitzaz gozatzeko. Antolatuak diren jarduerak: paddle, katamaran, arborismoa, norabide lasterketa eta kirol jokoak. 2.-Jarduera anitzeko egonaldi elebiduna Baigorrin. Antolatuak diren jarduerak: raftinga, pilota, kirolak, CPIErekin ibilaldia, Laia txokolategira bisita eta gasna ekoizle batekin solasaldia. 11-15 urtekoentzat: Pirinioen egonaldia Cauterets-en.Pirinioetako Parke Nazionalaren bihotzean, kirola, natura eta emozio biziak uztartzen dituen esperientzia ahaztezina bizitzeko abentura. Antolatuak diren aktibitateak: raftinga, ibilaldiak, igerilekua eta Cauterets edo inguruetako esplorazioa. Izen emaiteak zuzenean Familien Atarian egiten dira, telefonoz: 05-59-85-99-29, emailez: guichetfamilles@urrugne.eus.Prezioak familien irabaziekin egokituak dira, diru laguntzen posibilitate batzuekin. 2026ko udako egonaldien gidaliburuan aurkitu daitezke xehetasun guziak.

Haur kontseiluko hautetsi gazteak sariturik

Herriko Etxeak domina banaz saritu ditu herriko Haurren Kontseiluko hautetsi gazteak, herriarekiko erakutsi duten engaiamendua eta parte aktiboa sustatzeko egin lanagatik.

Euskal kantuak Zokoako elizan

Hilaren 29an, ostiralez (19:00), eta Altxa Zokoa! elkarteak antolaturik, euskal kantuak izanen dira Zokoako elizan, Hondarribiko Klink taldeak eskainirik. Kontzertuaren ondotik aperitifa izanen da.

Errigoraren udaberriko kanpaina

Errigora herri elkartea ezaguna dugu Euskal Herri osoan, Erriberako mozkinak, beti euskaraz etiketaturik, gure geografia osoan barna banatzen dituelako. Horrela Erriberako laborariak laguntzeaz gain, irabazien zati handi bat euskalgintzaren beharrak asetzeko erabiltzen da. Hauek dira Errigorak bultzatzen dituen xedeak: 1.- Euskal Herriko, gertuko eta kalitatezko elikagaien kontsumoa, 2.- Kontsumo kontziente baten alde egitea, 3.- Elikagaien bidez gure hizkuntza eta historia lantzea, eta 4.- Pertsonen, lurraren eta hura lantzen duten herritarren ongizatea.Urruñan, hastapenetatik, banaketa egiten ari da. Jadanik udaberriko Eskutik Eskura izeneko kanpaina bukatua da gure herrian, eta banaketak Berttoli elkartean eta Pausuko Xaia ostatuan egin dituzte, urtero bezala. Gero eta gehiago dira, urruñarrek egiten dituzten eskaerak. Urruñan eskaerak egiteko: 07-71-64-71-54.

Palestinaren aldeko elkarretaratze berria

Israeldarrek elikagaiak Palestinara zeramatzan herri ontzidia nazioarteko uretan geldiarazi ondoren, herri guzietan Palestinaren aldeko elkarretaratzeak egin ziren. Urruñan 16an, larunbatez, egin zuten herriko plazan.

Urruñar bat atxilotua

Maiatzaren 19an, mutil urruñar bat atxilotu zuten Biriatun bizi zen etxean, iduriz, bere euskal militantziagatik. Irakaslea da Urruñako ikastolan, eta horregatik, egun berean, haren aldeko elkarretaratze jendetsua egin zuten herriko pilota-plazan.

Animatloiaren 4. edizioa

Aurtengo animatloia, maiatzaren 31n, igandearekin, eginen dute, eta akanpaleku eta biltokiaLarruletako kanpinean izanen da. Abiatzeko tenoreak: 6 eta 9 urte artekoak (14:00), 10 eta 13 urte artekoak (14:45) eta familiak (15:45). Antolatzailea. Urruñako Herriko Etxea. Izen-emateak kirol zerbitzuan edo telefonoz: 06-18-77-72-54.