Herriz Herri | 2023ko Azaroaren 09a

Urtemugako besta

Urriaren 28an, 50 eta 51 urteko bidarraitarrak bildu dira Noblianean, beren bizilagunekin, beren urtemuga berezi hori suharki ospatzeko. Alabainan, mende erdia (edo gehixago) alegeraki ospatzen den besta da, oroitzapenak kondatuz. Egun airosa denentzat, gain gainetik estimatu dutena.

Herriz Herri | 2023ko Azaroaren 09a

20 urtez Zuberoko Ikastolen alde elkartasuna hedatzen!

2003 urteaz geroztik, Zuberoan kokatuak diren 2 ikastolek, Alozeko Basaburuan 32 haurrekin eta Eperra Pettarrean 73 haurrekin, tokiko mozkinekin osaturiko saskiak Gabonetarako salgai ezartzen ditugu. Balorapena egiteko unean, pozik agertzen gira, iaz saskiak berriztatu eta prezioak igan behar ukan bagenituen ere, 2.200 saskiren heina atxikitzea kausitu dugulako.

Aurten, iragan urteko aldaketak egonkortzea dugu xede, hiru saski berdinekin jarraitzea erabaki...

Herriz Herri | 2023ko Azaroaren 09a

Herriko kontseilua - Milesker Antzuola - Denetarik

Herriko kontseilua: Beltzagitearen berritzea eta diru laguntzak

Herriko kontseilua joan den urriaren 23an bildu zen. Hamabost hautetsietatik hamaikek parte hartu zuten. Bilkuran hartu erabaki garrantzitsuenak hauek dira:

- Beltzagitea etxearen berritzea: auzapezak enpresen kontsultaren emaitzak emanik, kontseilariek merkatuen izenpetzeko baimena eman diote. Obren kostua (BEZ edo Balio Erantsiaren Gaineko zergaz kanpo) 941.110€koa izanen da. Beltzagitean ama...

Herriz Herri | 2023ko Azaroaren 09a

"Bichta eder" liburu aurkezpena

Baipeleteneko irakurleen klubak, Euskararen Urtaroa eta Iparraldeko AEK Korrika Kulturalaren baitan, Ametzenea ostatuan gaualdia azaroaren 17an antolatua da (19:00).

Eneko Bidegain Ametzenean izanen da, idatzi duen "Bichta eder" azken liburuaz mintzatzeko. Ondotik han berean afaltzen ahalko da.

Azaroan Oztibarren beste gertakari batzuk iraganen dira, ondoko egunetan aipatuko ditugunak.

Herriz Herri | 2023ko Azaroaren 09a

Txokolet salmenta - Mendixka lasterketa

Txokolet salmenta

Urte bukaerako pesten kari, Donamartiri eta Donoztiriko eskola publikoetako Guraso Elkarteak Puyodebat eta Antton txokolate salmenta proposatzen du. Bi txokolategileek ehuneko bat itzultzen dute salmenten gain, haurrendako proiektu ezberdinak diruztatzeko.

Interesatuak bazirezte, milesker Miremont Julierekin harremanetan sartzea 06-83-49-99-81 telefonoan, katalogoak eta manapen agiriak berreskuratzeko. Manaketak egiteko azken eguna azaroaren 20a...

Herriz Herri | 2023ko Azaroaren 09a

Esku Pilotako finala

Joan den larunbatean joko berriko finalerdiak iragan dira. Lehen partidan Bielle-Lurok 40-30 Barreneche-Saint-Paul-en kontra irabazi dute. Bigarren finalerdian Bideondo-Etchegoinek 40-37 punturekin finaleko bidea hartu dute Etcheverry-Lambert-en kontra.

Azaroaren 11n finala iraganen da. Lehen partean Airetik-eko pilotari gazteak ariko dira (17:00), ondotik finala iraganen da: Philippe Bielle-Antton Luro / Vincent Bideondo- Iñaki Etchegoin.

Eguna ongi bururatzeko Makeako ASC...