Herriz Herri | 2023ko Agorrilaren 03a

Kantaldia - Arte Artetxenan

Kantaldia agorrilaren 25ean

Mikel Urdangarin eta Altzükütarrak kantari famatuen entzuteko parada eskainia zauku.

Arberoako ostiraletan, uda huntako azken gaualdia izanen da, Artetxea elkarteak antolatua, Euskal Kultur Erakundea eta Euskal Irratiak laguntzaile eta babesle direlarik.

(20:30) Mikel Urdangarin, (21:30) Altzükütarrak, ostatu eta talo (19:00), sartzea kitorik. Herriko plazan iragaitekoa da, euria balitz Artetxean.

Ez ahantz, ostiral...

Herriz Herri | 2023ko Agorrilaren 03a

Elgarrekin eta elgarrekilan

Urteak baitoatzi airez aire, ohartzen gira baduela jada urte zonbait erretretara heldu berri ziren gizon-emazte mutxo batek, Elgarrekin deitu elkartea xutik ezarri zutela. Helburu zuten hirugarren adinekoek parada ukan zezaten etxetik ateratzeko, elgar ikusteko, gurutzatzeko eta deskantsatzeko. Iraganak iragan, xede on horietarik bat obratu dugu uztailaren 28an, 50 bat lagun bilduz Madaria mendi tontor pollitan, geriza ginuela kide baten etxola ongi begiratua. Denbora ederrak lagundurik...

Herriz Herri | 2023ko Uztailaren 27a

Bestak iraganak

Joan den asteburuan iragan dira, giro ezin hobean. Osteguneko antzerkiak arrakasta gaitza bildu du, Mintegia gela zanpez betea zela. Peio Berterretxek idatzi eta taula-zuzendu dituen bi obra ikusgai ziren, jokalari gaztetxo paregabeek emanik. Ostiralean eta larunbatean ere jendea ezker paretara eta plazara hurbildu da. Larunbatean Italiatik etorri Talco musika taldeak gazteria hurbilarazi du, ikusgarri xoragarria emaiten zuela. Igandean herritarrak ohidura duten bezala plazara hurbildu dira,...

Herriz Herri | 2023ko Uztailaren 27a

Lokala elkartearen ikastaldiak - "Zitadela eszenatokian" festibala

Lokala elkartearen ikastaldiak

Lokala berziklategiak hiru ikastaldi uda huntan proposatzen ditu (14:00-16:00), Nasse karrikan "Avenir" elkartearen egoitzan iraganen direnak.

Lokala zentroak eskulan-teknika desberdinek eguneroko hondakinak baliabide sortzaile eta erabilgarri bihurtzeko ditu ikastaldiak antolatzen.

Uztailaren 29an paperaren berrerabiltzea, agorrilaren 9an eta 19an oihal puskekin egiten ahal diren gauzak dira erakutsiak izanen. Parte hartzeko...

Herriz Herri | 2023ko Uztailaren 27a

Ezkontza

Uztailaren 6an Herriko Etxean ezkontzako urratsa bete dute Flourac Jean-Marc eta Maiche Nelly jaun-andereek. Urte multxo honetan herritartuak ditugu, Barnetxea (herrian sartzean dena) erosirik eta ongi antolaturik dagoena. Bizitzako urte parte eder bat elgarrekin iragan ondoan, irudi duenaren arabera nahi ukan dute ofizialki elgarri frogatu, zinki eta legez, betirako elgarren amodioa eta leialtasuna. Gure goresmen beroenak onar izkizue eta segi orain artinoko elkartasun urosean.

Herriz Herri | 2023ko Uztailaren 27a

Garagardo artisau festibala

Agorrilaren 17, 18 eta 19an, Herriko Etxeko plazan garagardo artisauaren festibala iraganen da. Ostiralean kontzertu bat izanen da (21:00). Garagardo desberdinen ezagutzeko parada emana da.

Lekuan berean jaten ahalko da, nola ez garagardoa jastatuz.