Herriz Herri | 2021eko Abenduaren 02a

Mus eta zinema

Abenduaren 4an, Uztaritzeko Louis Dassance ikastolak zinema gaualdia antolatzen du (17:00), haurrentzat euskaraz, Bilgune gelan. Emanen da Asterix "Edabe magikoaren sekretua". Bainan zine emanaldiaren aitzinean musean hartzen ahalko da, pare bakotxa jende heldu eta haur batez osatua izanen dela. Antolakuntza errexteko izenak eman behar dira telefono huntara: 07-86-29-50-27. Momentu goxo bat pasatzeko parada. Osasun karta derrigorrezkoa izanen da ikusliar eta parte hartzaile guzientzat bai...

Herriz Herri | 2021eko Abenduaren 02a

Familien eguna

Uztaritzeko Gazte Informazio guneak familiaren eguna antolatzen du, heldu den abenduaren 11n, larunbatarekin (9:30-17:30). Osasunari buruzko jokoak, antzerkia, gozamen tailerrak, musika eta lagunarteko momentuak hitzorduan dira. Egitaraua ikus daiteke ere afixetan. Urririk den ekitaldi horrekin, bada familian egun goxo baten pasatzeko parada. Bilgune gelan iraganen den egun hortara gomita luzatua da deneri. Tailerretan parte hartzeko hobe aitzinetik izenak emaitea, Gazte Informazio...

Herriz Herri | 2021eko Abenduaren 02a

Eguberriko merkatua

Uztaritzen ohiko Eguberriko merkatua iraganen da, abenduaren 4an, Hiribehereko pilota plazan (9:00-14:00). Aurkitzen diren ekoizpenez bestalde izanen dira artisauak beren Eguberriko opariekin eta apainketak egiteko behar guziekin. Erran gabe ere doa Bizar Zuri hor izanen dela, publikoan haur eta helduen plazerarentzat. Janari eta edari segurtatuak izanen dira tokian berean. Merkatu on deneri.

Herriz Herri | 2021eko Abenduaren 02a

Zurrumurru

Hedabide askotan zabaldu da Lesbats mediku eta lehengo auzapezak diru bihurtze batzu egin dituela, CPAM asurantza kesaren kaltetan. Xuxen egia eta gezurra nun den, agian agertuko da ondoko egun eta astetan. Gisa guziz herriko hautetsi ohi batentzat publizitate txarra.

Herriz Herri | 2021eko Abenduaren 02a

Lokala birziklatze gunea idekia

Lokala Birziklatze gunea, Donibane Garazitik Irulegira etorria da, bere ateak joan den astelehenean berriz ideki ditu. Idekia da astelehen eta ibiakoitzetan (10:00-13:00) eta asteazkenetan (10:00-13:00 eta 15:00-18:00). Egun horietan puskak pausatzen ahal dira ekarpen xokoan eta bigarren eskuzko puskak erosi prezio apaletan.

Eguberriko apaindura eta opari hautaketa bada, bai eta izaiak. Eguberriaren magia maluruski galdua dugu kontsumo...

Herriz Herri | 2021eko Abenduaren 02a

Sortzeak

Urri hastean munduratu da Manon eta Julien Bellocq-en 2. haurra, alabaren ondotik semea, Gilen izendatu dutena.

Familia hau Hirixka auzoaldeko "Lagunekin" etxe berrian bizi da.

Azaro hondar huntan aldiz Mendiburuko Chantal eta Sylvain Donapetry-ri, lehen haurra jin zaiote, Juliette alabañoa.

Agiantza hoberenak sortu berrientzat, goresmenekin buraso eta aitatxi amatxieri.