Herriz Herri | 2023ko Martxoaren 23a

Kantaldia

Martxoaren 31n, Haurrock eta Ote Lorek elizan (20:00) kantaldia antolatzen dute. Haurrock eta Krexala taldeak entzuten ahalko dira. Sartzea kitorik da, bakoitzak nahi duena emanen du.

Herriz Herri | 2023ko Martxoaren 23a

Aurrekonduak

Joan den ortzegunean, herriko kontseiluak bozkatu ditu aurtengo aurrekonduak. Zonbait aste lehenago aztertu norabide heien ildo beretik, ikusiz xeheki diru sartze eta ateratzeak. Ikusiz ere beraz nun zer obra eginen den, hirigintzan ala beste zernahitan.

Bilkura berean banatuak izan dira elkarteeri emanen diren diru laguntzak, orotara 140.000 euro, partekatuak 70 elkarteren artean.

Herriak ez ditu bere zergak emendatzen, bainan emendatze bat izanen da halere gobernuak herri-zerga...

Herriz Herri | 2023ko Martxoaren 23a

Mus solas - Toberak eta kabalkada 2024an

Mus solas

Union Basqueren kontu, Etxebarne ostatuan 10 pare bildu dira. Lehen atera dira Orxixtegiko Bidegain Henri eta Iriarteberriko Etchepare Mattin, herriko txapeldun-ordeak Gerezieta Aroztegiko Xavier eta Fabien Pochelu aita-semeak dira atera. Txapeldunak lehiatu dira Donamartiriko kantonamenduko kanporaketetan eta berri ona, kalifikatu dira Bidarten Pazko astelehenez iraganen diren finaletan parte hartzeko.

Euskal Herriko Txapelketarentzat, Lekornetik bi...

Herriz Herri | 2023ko Martxoaren 23a

Suhiltzailea gose greban

Joan den astean, Aurélie Albert Kanbon suhiltzaile denak, gose greba abiatu du. Hilabete hastapenean suhiltzaile boluntario kontratua ez zaio berritua izan, 10 urte suhiltzaile zela. Kanboko suhiltzaileen zentroko buruarengandik jazarpen eta diskriminazio jarrera jasan du, salaketa epaitegian pausatu du.

Afera hori jakin eta, hautetsi batzuk eta emazte elkarte feministek beren sustengua ekarri diote.

Herriz Herri | 2023ko Martxoaren 23a

Transmisio historikoa: laborantzako borrokak

Bagira prozesuaren baitan, martxoaren 24an (21:00), Euskal Herriko Laborantza Ganbaran, laborantza herrikoiaren aldeko borrokak aipatuak izanen dira. Mahai inguruan parte hartuko dute: Peio Iralur, Bernadette Oillarburu, Julen Perez, Beñat Molimos, Frantxua Irigoyen eta Maryse Cachenaut-ek.

Herriz Herri | 2023ko Martxoaren 23a

Lekornetik Aiherrara oinez eta Legazpitik Antzuolara - Ondoko hitzorduak

Lekornetik Aiherrara oinez eta Legazpitik Antzuolara

"Mugak Zubi Aiherra Antzuola" mendi ibilbidea gauzatzen ari da. Badu 39 urte bi herriak parekatuak direla eta urte bat huntan proiektu berri baten prestatzen ari direla. Azken honen helburua da bi herriak bi norabideetan lotzea, mendi ibilbide baten bidez, Aiherratik Antzuolara buruz edo Antzuolatik Aiherrara buruz (12 etapa, 200 km). Ondorioz, ibilbideak proposatu bidexketan gaindi ibiltzea nornahiri proposatua...