Herriz Herri | 2024ko Otsailaren 29a

Odol emaitea - Thai janaria

Odol emaitea

Martxoaren 5ean asteartez (15:00-19:00) eta martxoaren 6an asteazkenez (15:00-19:00), Guy Poulou gelan odol emaitea iraganen da. Aitzinetik hitzordua hartu behar da dondesang.efs.sante.fr webgunera joanez.

Thai janaria

Martxoaren 8an ostiralez, (16:30-20:00), Kaskarotenea ikastolaren alde, ahotik ezin utziak diren plater thailandiarrak deskubritzeko parada ezin hobea! Charlottek prestatu platerak aitzinetik...

Herriz Herri | 2024ko Otsailaren 29a

Estitxu dokumentala - Laborariak berritzeko erronka

Estitxu dokumentala

Beskoitzeko errexiñula omentzeko, Frank Dolosor senpertarrak ekoiztu dokumentala martxoaren 4an (20:30), astelehena, l'Aiglon zinegelan frantses bertsioan proiektatua izanen da. Ondotik egilearekin solastatzen ahalko da.

Laborariak berritzeko erronka

"Nahi Dugun Herria" talde munizipalak eta Lurzaindia elkarteak, martxoaren 8an (20:30), Aiglon zinegelan, Gilles Perret-en "La ferme des Bertrand"...

Herriz Herri | 2024ko Otsailaren 29a

Sortze

Leizumeko Aline Declerck eta Jean-Luc Basagaiztegiri sortu zaie lehen haurra, Mila deitu duten neskattoa.

Bizi luze eta zoriontsua Mila, burasoeri goresmenak.

Herriz Herri | 2024ko Otsailaren 29a

Heriotze - Herriko kontseilua - Kantaldia - Nahas mahas

Heriotze: Laurent Urruty Bildarritz Agerrekoa

Joan den aste hastapenean zendu zen Bildarritz Agerreko Laurent Urruty, 88 urtetan. Luzaz laborantzan lan eginik Xiberoan, Bessieres jaunaren etxaldean, bere anaiarekin tindurgoan arizan zen, Hiriburun erretreta hartu arte. Gero Izturitzeko xahar etxean sartu zen. Bildarritze auzoaldea Gerezietari lotua izanez parropia mailan, Laurent-en ehorzketak Gerezietako elizan iragan dira.

Gure doluminak anai-arreba, koinatu...

Herriz Herri | 2024ko Otsailaren 29a

Agiantzak - Feldenkrais eta argazki tailerra

Agiantzak

Otsailaren 18an, igandearekin, herriko agiantzak iragan dira. Auzapezak aipatu ditu aitzineko urteko gertakariak eta bereziki etorkizuneko proiektuak.

2023an, garrantzitsuena izan da etxeetako helbideak, erdaraz "adressage" deitzen dena. Geroari begira azterketa sakona eraman da, departamenduko eta estatuko zerbitzuen laguntzarekin,

ikusteko nola antolatu herri erdi gunea, bertze itxura baten emaiteko. Urtsutegietarik Donibaneko bide handia...

Herriz Herri | 2024ko Otsailaren 29a

San Frantses Xabier beila

Aurten ere San Frantses Xabierrekoaren beila Garaziko Jatsu herrian izanen da, martxoaren 10ean.

Meza, parropiako kantorearekin (10:30), Irulegiko Irratiak eta Xiberoko Botzak zuzenean zabalduko dutena. Arratsaldean arrosarioa (15:00), bezperak eta Sakramendu Sainduaren benedizionea.

Egun hortan, diozesako kantzilerra den Philippe Beitia apeza izanen da biltzar buru.

Meza aitzin eta ondotik, Donazaharreko San Mixel eskolako burasoek antolatuko...