Herriz Herri | 2023ko Maiatzaren 25a

Sortze - Kabalkada

Sortze

Salbatore egunean Jesus zerura igan zen, Haixtoian, David eta Maialen Heguyren familian, haurra jin da mundura. Zazpi lorietan diren aitameri gure goresmen bihotzekoak, bai eta ere bi familietako ahaidetzeari. Bizi luze zoriontsua Amaia ttipiari!

Kabalkada

Aurten urtea emankorra izan daiteke kabalkada aldetik, anitz herritan bada apailu, zenbaitzu uda huntako, beste batzu larrazken hasterako. Gure herrian ere eguna...

Herriz Herri | 2023ko Maiatzaren 25a

Dolu

Bere azken urteetan ezindurik, mundu hau utzi du Annie Iriart Piarresenekoak, 79 urtetan. Goi mailako dantzaria izana zen Annie, Ramuntxo bere senarrarekin, errusiar dantzetan berezituak, senar-emazteek Anuchka eta Igor bikotea osatzen zutelarik. Dantzari eder eta bikaina izanik ere, guziz emazte goxoa, gutartekoa eta maitagarria zen Annie.

Ramuntxoren eta maitatu duten guzien doluminari juntatzen gira

Herriz Herri | 2023ko Maiatzaren 25a

Habas auzoko bestak - Joaldun gazteen bila - Literatura xirripak

Habas auzoko bestak

Alda mugimenduak ekainaren 3an Habas auzoko bestak antolatzen ditu (8:00-22:00). Egun osoan haur eta helduentzat animazio, ostatu eta ganer huste. Eguna bururatuko da apairu partekatu batekin, bakoitzak zerbait ekarriz (19:00).

Joaldun gazteen bila

Orai Bat elkarteak, Baionako besten karietara joaldun gazteak xerkatzen ditu, 11 urtetik harat. Materiala elkarteak hornitzen du. Interesatua denak haremenetan...

Herriz Herri | 2023ko Maiatzaren 18a

100 urte!

Maiatzaren 8 huntan, 100 urte bete ditu Beronika Ourthiague Etxegoieneko etxekandere xaharrakfamiliarekin. Laneko bizitza izana da Beronikarena, norbaitena hala izan bada, Suhuskunetik jin ziren Donaixtira, Etxegoeneko etxalde ttipia erosi eta senarrarekin 6 haurreko familia altxatu, herritarrekin harreman hoberena atxikiz, ele eta egitate oneko emaztea da eta ezagutzen dutenen maitasuna har dezala nasaikifamilia eta herritarrenarekin!

Herriz Herri | 2023ko Maiatzaren 18a

Dolu

Bitxikoko Hélène Lafargue zendu da 95 urtetan. Angelun bizitua gazte zeno, zinez sortetxeari atxikia zen Hélène, ahal zuen guziz Bitxikora jinez, bere zahartzaroa jitean alde bat han bizitu da, hor baitzukeen hartzen atsedena. Haren familiarekin gaude.

Herriz Herri | 2023ko Maiatzaren 18a

Zirko festibala - "Frantziako Tourraren bizikleta hiria"

Zirko festibala

Oreka zirko eskolaren 25. urte kari, maiatzaren 19tik ekainaren 3a arte zirko festibala antolatua da, Mousserolles auzoan. Les Caravanes des Songes ikusgarria eta Euskal Zirko Kabareta hor izanen dira. Bestalde maiatzaren 27an eta ekainaren 3an, larunbat goizez, familian zirkoa praktikatzeko tailerrak izanen dira. Festibala hasiko da maiatzaren 19an Euskal Zirko Kabaretarekin (19:00). Les Caravanes des Songes 6 aldiz emana izanen da: maiatzaren 20, 26,...