Heriotza

Denbora labur barne, hiru heriotza ukan ditugu. Bidart Mixel Betrezinainen sortua zen, 85 urte zituen. Oçafrain Jeannette Urlabeherean sortua, 71 urte zituen. Ondotik joan den astean Gainza Maddi Errekako etxekoandre xaharra, 88 urte zituen.

Dolumin bizienak igortzen ditugu hiru familietako jende guzieri.

Herria kazeta

Herriko Etxean biltzar nagusia egin izan da. Plazer handirekin 30 bat adiskidek parte hartu dute. Mixel Oçafrain auzapezak hitza hartu du deneri ongietorria desiratuz, pozik zagon lehen aldia zelakoz biltzar nagusia Bankan egiten zela. Herriaren gorabeherak aipatu ditu. Ondotik eztabaida mamitsua izan da gure mintzairari buruz. Zoin nekez euskaraz mintzatzen giren, kezka agertzen baita. Iduritzen zaut bakotxari dela lan egitea, familietan zinaurria bezala. Kurios ninteke jakitea zergatik gazteak hain errexki erdaraz mintzatzen diren euskara badakitelarik.

Xalbadorrek zioen bertsu batean:

Pilotako hizkuntza horra hor bi gauza

Luza dezaketenak herriaren hatsa

Baldin ez bazerauku erdalduntzen plaza

Salbaturen garela badut esperantza!

Gauden esperantzan!