Argazki erakusketa

Hendaiako L'Angle galeriaren partaidetzan, Fabrice Domenet biarriztar argazkilariak Herriko Etxean "Begiak hetsirik ikustea" eta "Munduko larrua" deitu erakusketa presentatzen du. Ostiral huntan Herriko Etxean estreinaldia eginen da (18:00).

Bizikleta konpontzeko tailerra

"Lokala" elkarteko Niko Aberasturik du tailerra hau kudeatuko, apirilaren 29an (14:00-17:00). Irulegin kokatua den Lokalak, pusken berrerabilpena eta konponketa garatzen du. Egun hortan, bakoitzak berea edo Lokalak dituen bizikletak erabiliko dira. Kitorik da, 12 lekura mugatua izanez, izena emaiteko deitu 05-59-37-34-76.

Konferentzia

Herriko Etxean, apirilaren 29an (18:00), Terre de Navarre elkarteak Jean-Louis Gentien gomitatu du. XVIII. mende hasieran Baxe Nafarroan garañotegien administrazio neurriak zein nolakoak ziren esplikatuko du. Artxiboetan oinarrituz, zaldi-hazkuntzak tokiko eguneroko bizitzan, baita ere Nafarroako Erreinuko eta Versailles-eko funtzionarioen arteko administrazio-loturetan zuen garrantzia erakutsiko du.

Eztika laborarien saltegia langile bila

Eztika 6 etxaldek kudeatzen duten saltegiak saltzaile bat xerkatzen du, lan kontratua 9 hilabeteko epemugatuan. Hautagaitza etxexuria.etxaldea@gmail.com helbidera igorri behar da edo zuzenean saltegian pasatu.