"Bidasoan Euskaraz" Pausun

Urtero, Pausuko Bakalau elkarteak "Bidasoan Euskaraz" izeneko kultur ekimena antolatzen du.Aurtengoa maiatzaren 4tik 7ra izanen da. Hona hemen egitaraua: maiatzaren 4an, ostegunarekin, Bidasoa Oinez, ibaiaren inguruko ibilaldia. Abiatzea Xaian (09:00). Ondoren xingar eta arroltze. Arratsean (19:00-22:00) Talo Besta animatua DJ Oscar Ciarekin. Maiatzaren 5ean, ostiralarekin, Kantu afaria Kuxkuxtu taldearekin (20:00). Sagarnotegiko menua, prezioa: 40 euro. Maiatzaren 6an, larunbatarekin, Pintxo-pote Imuntzo eta Belokirekin (19:00), edaria eta pintxoa 3 euro. Maiatzaren 7an, igandearekin, pilota txapelketaren finalak (10:00). Horren ondotik, aperitifa eta bazkaria Kusk taldeak animaturik, 20 eurotan. Eta bukatzeko ustekabeko ekitaldia (19:00). Informazioa: 05-47-75-07-02

Urruñako hiriari bi sari

Martxoan bi sari eman zizkioten Urruñako hiriari. Lehen saria: "Naturaren alde Engaiatu Lurraldeak" (Bordele), Trantsizio ekologiko eta solidarioaren Ministerioak eta Frantziako eskualdeak izeneko sailak estatu mailan garatu programa da. Departamenduz beheragoko lurralde elkargoek biodibertsitatearen alde proposatu ekintza planak agerrarazi, aitortu eta baloratzea du xede. Akitania Berria Eskualdeko Biodibertsitate Agentziak sari bat eman dio Urruña herriari, udalerrian eginiko ekintzak saritzeko. Bigarren saria: Interkonektatuen Foroa 2023 (Tolosa, Okzitania): Lurralde Berritzailearen Labela. Label hori estatu mailako saria da, beren lurraldean teknologia berrien erabilerak plantan ematen dituzten tokiko elkargoak nabarmentzeko sortua. Lurralde adimentsu eta arduratsuaren sailean, Urruñak du kausitu Urrezko Labela, "Ene karrika pizten dut" dispositiboari esker.

Manex Pagolaren omenezko afari-kontzertua

Hilaren 15ean, larunbatarekin, Manex Pagolaren omenezko afari-kontzertua izan zen, Pausuko Xaia ostatuan, Baleak elkarteak antolaturik. Ostatua jendez gainezka egon zen eta zenbait hiritarrek, aldizka, Pagolaren kantuak abestu zituzten, ostatuan ziren gainerako guztien laguntzaz. Omenaldi arrakastatsua izan zen, Manex Pagolak ongi merezitua, ostatura hurbildu ziren guztiak loriatuak atera ziren.

Mutxikoak plazan

Hilero, azken larunbatean, herriko plazan izaten den merkatuarekin batera, mutxikoak izaten dira Herriko Etxearen aitzineko plazan. Beraz, hilaren 29an (11:00-12:00). Pika eta ebats lauetan!

Pausuko merkatua

Apirilaren bigarren merkatua hilaren 30ean izanen da igandearekin, eta goizez Zubi aitzineko plazatxoan.

Pausuko pala txapelketa

Bidasoan Euskaraz kultur ekitaldiaren barneko pala txapelketak bere bidea jarraitzen du. Oraindik 20 partida inguru eskas dira, maiatzaren 7an, igandearekin, finaleko azken hiru partidak jokatuko dituzte (10:00). Horren ondotik bazkari animatua izanen da Xaia ostatuan (20€). Egunero badira partida ederrak ibai ondoko pilota-plazan.

Joko Garbin urruñarrak txapeldun.

Apirilaren 2an jokatu ziren "Union Basque"-ren joko garbiko finaletan, Joritz eta Vincent gaztetxo urruñarrak txapeldun gelditu ziren. Biba zuek! Aupa Urruñarrak-Pilota!

Pilota partiden emaitzak

Federazioaren buruz-buruko txapelketaren final-laurdenetan, amateurren lehen mailan,urruñarrek honako emaitzak ukan dituzte: Bideondo (Urruñarrak) 40 À¢'€'" Dufau (Lau Herri) 19.

Adindunendako ekitaldiak

Hilaren 27an, ostegunarekin, bazkaria eta dantzaldia Azkaingo Axafla-Baita jatetxean, musika talde batek animaturik, 27 euro (12:00). Joste eta trikotatze lanak Posta gelan (10:00). Izena emateko: 07-64-62-55-14 edo 05-59-47-95-08.