Bi hitzordu

Aste huntako bi hitzordu nagusi ja aipatuak ditugu azken aldian. Oroitarazi nahi ditugu haatik, nehork ez ditzan ahantzi! Lehenik, ortziralean (18:30), Jondoni Bixintxo elizan, "Stabat Mater" obra berezia, biziki ederra, Euskal-Herriko orkestra nagusiak eskainiko duena. Orkestra hori Herriko Etxeak gomitatua.

Biharamunean, larunbatean beraz, Kaskarotenea ikastolaren hamar urteak, egitarau sano eta nasai batekin (11:00), ikusgarri, bazkari, dantza, kantu eta beste! Denak harro jakinaren gainean nola handitu den ikastola hori!

Legatzaren besta

Aste huntako hirugarren hitzordua, guziz aipagarria hau ere, legatzaren besta, edo legatzaren dantza, frangok legatzaren fandangoa deitzen dutena, izen hori emana duela bost urte, lehen aldikoz egin zelarik! Larunbatean iraganen da Zokoan, Herriko Etxea laguntzaile, karpa zabal bat muntaturik aterbearen segurtatzeko. Hamazazpi elkarte partzuer, bakoitxak bi sukaldari agertuz legatza hemengo moldean prestatuko dutenak. Lehiaketa (10:00), giro alegera batean, ondotik bazkaria. Jantornu hortan parte hartzeko, izenak emaiten ahal dira deituz 06-07-55-97-20.

Izurde bat hila

Zokoako hondartzan, joan den goiz batez, kausitu dute izurde bat hila. Gero eta usuago gertatzen dira holakoak. Hortakoak direnen arabera arras izurde gaztea, itsasoan zerbaitek joa eta kolpatua, kolpe horien ondorioz hila.