Pintxo Eguna

Pintxo Eguna, Baionako peñak dira antolatzaile, 10. edizioa maiatzaren 6an iraganen da. Besta horretan aterako diren etekinen parte bat Atherbea zentroari emana izanen da, larrialdietarako aterpe mugikor baten diruztatzeko. Larunbat arrastirian ateak idekiko dira (18:00), elkarteek egin pintxoak dastatzen ahalko dira. Errana denez 45.000 eta 50.000 pintxo dira salgai izanen, antolatzailek diote usaian oren batez denak salduak direla, beraz hobe lehenetarik izaitea. Elkarte bakoitzak bederen 500 pintxo egiten ditu, zenbaitzuk 2.000 arte.

Bestalde pintxoen lehiaketa iraganen da, epai-mahaian pertsona adituak dira. Aurten lehen aldiz publikoarentzat tonbola bat antolatua izanen da, M. Txokolatek egin txokolateko eskultura irabazten ahalko da.

Herriko Etxearen diru laguntzak hiriko elkarteentzat

Azken herriko kontseiluan, hautetsiek Baionako elkarteentzat diru-laguntzen sistema berritzea onartu du, 3.364.758 euro baztertuak izan dira. Hezkuntzaren eta elkartasunen alde lan egiten duten elkarteentzat 1,6 milioi euro, 800.000 euro kirolerako eta aisialdirako eta 435.000 euro kultura, ondare eta hizkuntza politikarako.

Bizikletaz hirian ibiltzeko ikastaldia

Txirrind'Ola elkarteak, maiatzaren 5etik harat, ostiral guziz (10:30-12:00) ikastaldiak antolatzen ditu. Helburua da hirigunean bizikletaz aiseago ibiltzeko errepide kodea jakitea, bai eta trebatzea. Parte hartzeko baldintza, 60 urte baino gehiago ukaitea eta elkarteko bazkidetza hartua izaitea (20€). Xehetasunentzat: Txirrindola.org.