Besta komiteko gazteria

Apirilaren 22an Zugarramurdiko Azketa jatetxean egin dute beren bazkaria. Gomitatuak zituzten, gazteriaz aparte, borondateko jendeak bestetako jokoez, pilota eta indar jokoez okupatzen direnak, denetara 30 bat baziren. Beti bezala jateko onak ukan dituzte, bai eta ere gazte horiek zintzurra ongi busti dute. Aurten ere usaiako manifestazioak izanen dira, buruilaren 9tik 13rat, mementoa etorriko delarik xehetasunak emanen ditugu.

San Josepe

Eskolako burasoek Lur Berri gelan kontzertua antolatua zuten, apirilaren 23an igandez. Kontzertuan bai eta krakadan jende asko bildu da, denak kontent atera dira. Eskerrak deneri.

Abisu

Apirilaren 30ean igandez, kiroldegian eskola publikoak selaru hustea egun guzian antolatzen du (9:00-18:00).

Elizako berri

Apirilaren 30ean, igandea, familien meza Azkaingo elizan iraganen da (10:30). Maiatzaren 8an beteranoen eguna, meza Saran (11:00), lore ematea hilarrietan eta ondotik aperitifa Herriko Etxeak ofreitua. Maiatzaren 18an Salbatore, komunio ttikia Senpereko elizan.

Heriotza

Heriotze bat aipatu behar dut, Azkainen bizi zen Xan Garate, bere denbora guzia zurgintza enpresan lanean aritua, Jean-Pierre koinatuarekin. Saratarra sortzez, Mayie bere andrea ere bai, Saran familia handia badute. 82 urtetan minbiziak bildu du. Dolumin beroenak, zuri Mayie eta zure hiru haurreri, bai ere familia guziari.

Sortzeak - Lasaga Xan (2023-03-06), Clavreul Onchalo Leila (2023-03-07), Latasa Matteo (2023-03-31).