Beti Gazte - Elkarteak bere biltzar nagusia eta ondotik bazkaria antolatzen ditu, apirilaren lehenean, larunbatarekin, Lur Berri gelan (12:30). Menua: kir, eltzekaria, legatza saltsa berde, idikia saltsan patatekin, gasna erreximentarekin, koka, arnoak, kafea ondokoarekin, 27€ eta karta 8€ denetara: 35€. Izenak eman martxoaren 28a aitzin deituz: Jeannot Etcheverrigaray 05-59-54-21-34, Maite Imaz 06-31-62-90-66 edo Anita Bats 06-28-28-08-24. Etorri ahal duzuen guziak, denek elgarrekin memento goxo baten pasatzera.

Herriko zentro soziala- Gan den urtean bezala formakuntza bat 16 urtetik goiti duten herritarrentzat antolatua da. Istripu bat delarik zer egin behar den ikasiko da. Apirilaren 15ean, larunbatarekin iraganen da, 10 presuna gehienik, Herriko Etxeko gelan (8:30-12:30 eta 13:30-16:30). Formakuntza 55€ gostatzen da, bainan zentro sozialak 35€ ordaintzen ditu, zuen gain 20€ bakarrik.Izena emanen duten lehen hamarrak dira formakuntzan hartuak izanen. Izen emateak: ccas.saran@gmail.com ahalaz edo Herriko Etxean.

Sara Korrika - Taldeak 16. aldikoz bere urteko lasterka egiten du, trail kurtsa, martxoaren 26an igandez, elkarretaratzea plazan (7:30) eta partiada (9:00), 1.595m desnibel badire.

Idazleen Biltzarra - Apirilaren 10ean, Pazko astelehenez izanen da 40. edizioa, Sarako kiroldegian (10:00-18:00). Beti bezala izanen dira 120 bat autore beren erakusketak eta argitasunak emateko. Sarrera 2€.

Pilota - Trinketean Union Basque batasunean: Kimuak Larrañaga Ekhi - Saint Martin Andoni galtzaile 40-34 Senpereren kontra eta Berasateguy Eñaut - Idoate Xan galtzaile 40-11 Itsasuarrak-en kontra. Umetxoak: Babece Leizagoyen Oihan - Berasategui Andde galtzaile 40-31 Urruñarrak-en kontra eta Lafitte Julen - Odeau Martinez Iban galtzaile 40-23 Inthalaz-en kontra.