Herriz Herri | 2022ko Ekainaren 02a

Allande Socarros gogoan

Allande Socarrosen adiskideak Zalhagainen bildü dira aitzineko neskenegün goizan. Bortüak maite zütüan lagünaren omenez harri bat pausatürik izan da.

Militante abertzalea, euskalzale handia, bortüa maite züan lagünaren ibilbidea orhitarazteko hitzartzeak izan dira.

Branlea dantzatü ondoan, bere hautsak barreatürik izan dira ikurriñaren lagüntzarekin.

Herriz Herri | 2022ko Ekainaren 02a

"Makea Oinez"-eko laguntzaileen ateraldia

Urtero larrazkenean antolatua den Makea Oinez ekitaldiak laguntzaile anitz biltzen ditu. Hauen eskertzeko elkarteak ateraldia antolatu berri du. Aurten urriaren 2an iraganen da, laster informazio gehiago.

Herriz Herri | 2022ko Ekainaren 02a

Otxalde taldearen kontzertua - Ikasleentzat alokairu bila

Otxalde taldearen kontzertua

Ekainaren 10ean, Luna Negran (20:30), Otxalde Beskoitzeko talde famatua... Baiona arte etorriko da!

1976an sortu zen taldeak, hamarkadetan disko andana ekoiztu ditu. Azken urteetan musikari-kantari belaunaldi gaztea taldean sartu da. Gaurko taldean 7 kantari-musikari eta teknikalari batek osatzen dute: Maitexa (ahotsa), Miren (pianoa, ahotsa), Johanna (ahotsa), Beñat (gitarra, ahotsa), Cédric (eskusoinua, ahotsa), Marc (flautak,...

Herriz Herri | 2022ko Ekainaren 02a

Dolu

Aitzineko larunbatean, elkartasunezko uhaina da zabaldu, Internet sareetan berria jakin bezain laster, Iban Etchevers eta Martin Jorajuria adiskideak istripuz hil dira 21 urtetan.

Bizia maite zuten, biziaz gose, herioak ditu biziko garai ederrenean bereganatu, biak betan.

Joan den asteazkenean, azken agurraren tenorean, gazteria gogoa triste, bihotz minez, saldo ikaragarrian hurbildu da familia dohakabearen inguruan. Errugbilariek bien izenak agertaraziz, pesta komitekoak xuri...

Herriz Herri | 2022ko Ekainaren 02a

Baigura Ikastolak 10 urte!

Lekornen plantatua den ikastolak 10 urte ospatzen ditu. Ikasleak Heleta, Makea, Lekuine eta Lekornetik heldu dira.

Urteurrena ospatzeko, urtean zehar gertakari batzuk antolatuak izan dira. Aldi huntan ikasturtea bururatzera doala, ekainaren 11n, larunbatarekin besta eguna antolatzen du. Gerezietako auzoan hitzordua emana da (9:30), desfile batekin hasiko da, dantzari eta bertsulariak lagun. Garroan geldialdia eginen du, lekukotasunak entzuten ahalko dira, ibilaldia herriko plazan...

Herriz Herri | 2022ko Ekainaren 02a

Harremanak sendotuz, zauriak sendatu: Leire gogoan

"Loturak: Harremanak sendotuz, zauriak sendatu!" Garaziko gaztetxeko kideek Leire Iribarne-Olhagaray beren lagunari eginen diote omenaldia, bestaz, musikaz eta giro alaian iragan nahi dutena.

Azken urteetan, Tolosan eta Euskal Herrian sortu dituen harremanak bizirik atxikitzeko, xoko desberdinetako lagun musikariak elkartuko dira eszena gainean eta aitzinean.

Besta hau deneri idekia da, Leireren laguneri, baita bere ezagutzeko aukera ukan ez zuteneri ere.

Hiru...